PROGRAM YA SHULE BORA YAFANYA MAFUNZO YA USHIRIKIANO WA WAZAZI NA WALIMU (UWaWa)

Halmashauri ya Wilaya ya Kigoma kupitia Programu ya Shule Bora imeendesha mafunzo yanayohusu Ushirikiano wa Wazazi na Walimu katika (UWaWa). Mafunzo haya yanalenga kujengeana uwezo kati ya wazazi na walimu ili kuendela kushirikiana katika maendeleo ya Shule na Elimu kiujumla. 

Pichani juu: Washiriki wa Mafunzo wakiendelea na Mafunzo.

Shule Bora ni Programu ya Serikali chini ya ufadhili wa shirika la UK aid, Ni Programu inayolenga kuboresha ubora wa elimu katika ngazi ya awali na msingi na kuleta usawa wa elimu kwa wasichana, wavulana na watoto wenye mahitaji maalumu na pia kuboresha mazingira ya ujifunzaji na ufundishaji. Programu hii inaendeshwa katika Mikoa 9 ya Tanzania Bara, Mkoa wa Kigoma ukiwa miongoni mwa mikoa hiyo 9.

Pichani juu: Washiriki wakifanya majadiliano wakati wa Mafunzo.

Mafunzo haya ya Ushirikiano wa Wazazi na Walimu (UWaWa) yanafanyika katika Shule ya Msingi Nkema iliyopo Kata ya Mwandiga kuanzia tarehe 28 Februari, 2023 hadi tarehe 02 Februari, 2023 kwa kundi la kwanza. Walengwa kutoka Kata 16 za Halmashauri ya Wilaya ya Kigoma wanashishiriki. Walengwa wa Mafunzo hayo ni Walimu Wakuu wa shule za msingi, Wenyeviti wa Kamati za shule na Maafisa elimu wa Kata.

Pichani juu: Washiriki wa Mafunzo wakifanya majadiliano juu ya mada husika.

Katika mafunzo haya dhana ya shule kuwa mali ya jamii imeendela kusistizwa ili jamii iweze kushiriki vizuri zaidi katika maendeleo ya shule. Akifungua mafunzo hayo Afisa Elimu Msingi katika Halmashauri ya Wilaya ya Kigoma Mwl. Kassim Mtili amesema ushirikiano wa wazazi na walimu ndiyo nguzo kuu ya maendela ya shule zetu ambayo itaboresha elimu. Afisa elimu amesisitiza kuwa kila mshiriki kwa nafasi yake awe sehemu ya kujenga mahusiano bora kati ya shule na wazazi. Mwalimu mkuu kama msimamizi wa sera ya elimu kwenye kituo, Afisa elimu Kata kama msimamizi wa sera ya elimu kwenye kata na wazazi kama sehemu ya jamii shule husika.

Pichani juu: Afisa Elimu wa Awali na Msingi wa Halmashauri ya Wilaya ya Kigoma Mwl. Kassim Mtili (Katikati mwenye Koti) akifungua mafunzo hayo tarehe 28 Februari, 2023.

Mafunzo haya yanafanyika wakati ambao wazazi wamekuwa ni sehemu muhimu sana kuiwezesha serikali kuendelea kutekeleza mipango ya kuboresha elimu nchini huku dhana ya ushirikishwaji wa wananchi ikisisitizwa ili kufikia mafanikio katika sekta ya elimu.

Washiriki zaidi ya 230 kutoka Kata 16 ambao ni Wenyeviti wa Kamati za Shule, Walimu Wakuu na Maafisa Elimu Kata wanapewa mafunzo haya ya Ushirikiano wa Walimu na Wazazi ili baada ya mafunzo hayo waende wakaimarishe Ushirikiano katika usimaamizi wa shule.

Pichani juu: Washiriki wakimsikiliza mshiriki mwenzao wakati wa majadiliano. 

Pichani juu: Washiriki wa Mafunzo wakiendelea na Mafunzo.

Pichani juu na chini: Washiriki wa Mafunzo wakiendelea na Mafunzo.